O proxecto foi deseñado coa finalidade de mellorar as áreas públicas e de esparexemento na cidade, así como tamén para ofrecer novas opcións de vivenda e locais comerciais. O complexo situarase nunha zona privilexiada, con fácil acceso aos principais servizos e atractivos da cidade. Na construción desta urbanización participará Construcciones Ramírez, que tamén forma parte do equipo de execución do edificio sanitario.
Os traballos abarcan a reordenación da circulación destinada a vehículos e peóns en Avenida de Ourense (N-525) e Penela, incluíndo os accesos desde ambas as vías á área do CIS, a substitución os pavimentos, a introdución de vexetación e a dotación de servizos urbanísticos. A urbanización da zona consistirá na ampliación da Avenida de Ourense, executando un novo vial de servizo na marxe dereita da avenida. Será de sentido único, cun ancho de 3,5 metros e aparcadoiro en liña con árbores, separado da avenida por unha mediana de 1,5 m. Terá un punto de acceso no extremo próximo á rotonda do ámbito de actuación, onde se prevé a execución dun dobre carril, e desembocará na N-525, xa na saída cara a Catasós. Na outra marxe, fronte a subestación de Fenosa, conservaranse as beirarrúas existentes, así como o carril dirección Ourense-Lalín, polo que se adaptará o deseño de proxecto ás condicións actuais.
Na rúa Penela ampliarase a sección da vía executando un viario de dobre sentido de circulación, cun ancho total de 7 metros. Prevense zonas de aparcad0iro en liña con árbores e a execución de beirarrúas cun ancho mínimo de 2,8 metros, que se amplía ata os 10 na zona máis próxima á rotonda.
Espérase que o proxecto contribúa ao desenvolvemento urbano sostible da cidade, xa que se utilizarán materiais e técnicas de construción amigables co medio ambiente.
